Pemberitahuan Soal Ngaben 1

PANITIA PENYELENGGARA KARYA

UPACARA PITRA YADNYA

PASEMETONAN PASEK GELGEL PUNDUK DAWA

TAHUN 2012

Hal : Atur Piuning

Om Swastyastu,

             Malarapan antuk pasuwecan Ida Sang Hyang Widhi Wasa lan Ida Batara Kawitan, semeteon sareng sami pamilet karya prasida nyikiang kayun pacang ngawangun  Karya Pitra Yadnya/Ngaben Kumpulan nemoning rahina:

Saniscara-Paing-Wuku Ukir

Pinanggal 7 Juli 2012

            Ring sajeroning sapunika, titiang mapinunas ring sameton pamilet sami mangda nyiagayang peson-peson manut paiguman sane samput kasungemin ring galah sangkepan sane sampun lintang minakadi, peson-peson urunan jinah lan jejahitan, mangda sampun mapulpul nyantos 3 Juni 2012.

Ancer-ancer prabeya kadi sapuniki:

1. Ngaben nglantur ngeroras lan nuntun Dewa Hyang  Rp 6.000.000,00/sawa

2. Nglungah                                                               Rp 1.000.000,00/sawa

3. Ngroras                                                                 Rp    750.000,00/sekah

4. Nuntun/ngingkup                                                    Rp     500.000,00/puspa

5. Manusa Yadnya/Nyurud Ayu:

    a. Metatah                                                             Rp     500.000,00/orang

    b. Masakapan/Makalah-kalahan                            Rp     500.000,00/orang

    c. Mapetik Rambut/Nigang Sasih                           Rp     400.000,00/orang

    d. Ngrajasinga/Ngraja Sewala                                Rp    250.000,00/orang

              Malarapan sekadi punika urunan jinah mangda kataur ring panitia penyangra (bendahara), utawi ring rekening Dadya Pasek Punduk Dawa ring LPD Desa Pakraman Punduk Dawa. 

              Mungguwing eedan karya lan bacakan peson-peson sampun kalampiran ring sewala patra puniki.

              Wantah asapunika atur piuning titiang sumangde semeton sami suninga tur prasida ngingkinang raga nyanggra karya inucap lamakane sida mamargi antar tur sida kasidaning don.

Om Shanti, Shanti, Shanti, Om.

Punduk Dawa, 14 April 2012

Panitia Panyangra Karya:

Pamucuk,                                                                                                             Penyarikan,

       ttd.                                                                                                                      ttd.

I Gede Arya Suwabawa                                                                                 I Wayan Suwendra  

Lampiran :

Eedan Karya

Bacakan Peson-Peson
Indik Babantenan Sane Polih Ring Kelompok lan Sane Kakaryanang Ring Soang-Soang Pangarep